മുറുക്കിച്ചുവന്നത്

മുറുക്കാൻ പൊതിയും കഥയുടെ ഭാണ്ഢവും

അഴിയുക ഒരേ സമയത്താവും.

മുറുക്കാൻ ചുവക്കുന്നതിനൊപ്പം കഥകൾ മുറുകും

നീട്ടിയും കുറുകിയും തുപ്പി,

മുറുക്കിച്ചുവന്ന കഥകൾ മുറ്റത്ത് പരന്ന് കിടന്നു.

വെയിലേറ്റ് മങ്ങി,മഴയിൽ ഒലിച്ചുപോയി
എങ്കിലും ബാക്കിയായ ചുവപ്പിന്റെ
മങ്ങിയ പാടുകൾ കാണിച്ച്
വീമ്പിളക്കാറുണ്ട് ഞങ്ങൾ
മുത്തശ്ശിയേയും മുറുക്കലിനേയും
ചുവപ്പിനേയും കുറിച്ച്-
പൊങ്ങച്ചം ഒട്ടും കുറയാതെ തന്നെ.