അളവുകളില്ല,
എങ്കിലുമീ ചതുരത്തിനുള്ളില് ഒതുങ്ങണം
ഞൊടിയിട മാറുന്ന രൂപങ്ങള്
ഒഴുകി പരക്കയും
ചിതറി തെറിയ്ക്കയും
ഒട്ടൊന്നു നീണ്ടു നിവരുകയും
പിന്നെ കുറുകിയില്ലാതാവുകയും ചെയ്യുന്ന
ആഴങ്ങളുടെ ആത്മാവ് പേറുന്ന വളയങ്ങള്
ഒന്നേ ചെയ്യാനുള്ളൂ
നീളത്തില് അലസമൊരു വരവരച്ച്
സൂത്രത്തില് ഒരു നിറം നിറച്ച്
തടാകം ഇപ്പോള് ശാന്തമെന്നൊരു കുറിപ്പ്
എങ്കിലും ഓളങ്ങളെ
എപ്പോഴെങ്കിലും വരയ്ക്കേണ്ടി
വരുമെന്ന പേടി ഇപ്പോഴും ബാക്കി.
